LoVeLy Sky على كرسى الاعتراف (معلش يا بنتى)

-----------------------------------

يلا بقى احنا النهارده معانا LoVeLy Sky على كرسى الاعتراف

طبعا كالعاده عايزين نهريها ونوريها يعنى ايه كرسى الاعتراف

وانا هبدأ :

-------------------------------
-----------
---
--
-
.[/size][size=24]


1) اسمك الحقيقى وسنك؟؟

2) بتحبى دلوقتى / او كنت بتحبى ؟؟؟؟

3) ايه اليوم اللى بتحبيه او بتتفألى بيه يعنى ؟ لماذا؟

4) اكيد بتحبى اسماء ولا وبنات حدديلنا كام واحد منهم ؟كفايه عليكى كده النهارده نكمل لحد اخر الاسبوع

اقتباس :

الحمد لله جت سليمه والاسئله بسيطه يا هيما

هههههههههههه بيتهايئلك خدى عندك بقى :ـ
--------------------------------------------------------

مين الصديقة اللي ممكن تعتبريها قدوة ليكي وتتمني تكونى زيها؟؟

--------------------------------------------------------

هاقولك كلمات توجهيها لاشخاص في mazika3ool

- بحبــــــــك
- انت شخصية محبوبة جدا في MAZIKA3OOL
- انت دمك خفيف اوى

--------------------------------------------------------
ايه اكتر حاجة بتحبيها في ......(اختاري شخصية مقربة منك )؟؟؟ واكتر حاجة بتتضايقي منها؟؟؟
--------------------------------------------------------
ايه الاسئلة او الجمل اللي توجههيها لكل من: (كل واحد سؤال او جملة )

- نوودى -عماااااااد
-hema tery

--------------------------------------------------------

احممممممممممم اهلا بالقمر اسأل انا .............
اسألي ماهو ده اللي ناقص
بس معرفش اسألك ايه لانى عارفه كل حاجه عنك ما علينا هسألك اى حاجه وخلاص بصى يا ستى ................معلش تعالي علي نفسك
اكتر موقف محرج اتعرضى ليه ؟
اكيد انتي عارفاه بس هحكي موقف تاني
في ف مره كنت لابسه طقم شيك جدا كان تقريبا ف العيد والكعب العالي وحركات واتكعبلت قدام شله شباب وهاتك يا تريقه طبعا انتوا عارفين شباب مصر لما يستظرف
احلى حاجه بتحبيها فى شخصيتك ؟ واكتر حاجه بتكرهيها ؟
الطيبه والاجتماعيه (بحب اكون صداقات دايما) وبكرهه العصبيه
شخصيه قبلتيها فى حياتك واعجبتى بيها اوى قولى الاسم وقبلتيها فين ؟
مدرس ثانوي (ياسر صقر) واكيد قابلته في المدرسه
اكتر حاجه ممكن تتدايقك من الواحد ؟
الكدب والاستظراف الزايد وقله الذوق دول بيعفرتوني
اكتر عضو وعضوه بترتحيلهم ؟
كاتبه السؤال ده طبعا عشان عارفه اجابته يا لئيمه
انتي يا قمر
اكتر موضوع شدك وعجبك اوى ؟
مواضيعكم كلها جميله والله وبتعجبني اوي بس خصوصا مواضيع بانبينو
عضو متغاظه منه ونفسك تضربيه ؟
بلاااااااااااااش خلينا ساكتين احسن

يالا كفايه كده عليكى ردى بقه يا سمااااااااااااااااااااااااااااااا
لا والله ما تكتري شويه كمان

اقتباس :

- انت شخصية محبوبة جدا في MAZIKA3OOL ليك يا هيما

متحرجنيش كده خلاص انا مش هئسئلك تانى على كده شكرا

والله يا مرمر قمتى بالواجب وزياده ومسبتيش ولا فثفوثه نقولها
ربنا معاكى سما
ههههههههههههههه

ما السؤال الذي تحب ان يسال لك؟
هو في بعد كده اسئله ارحموووووووووووووووووني

الى اى حد سعه صدر سما؟؟ وهل انت متسامحه؟؟ عصبى؟؟
بصي انا نرفوزه اوي (بس مش مجنونه يعني في الحاجات اللي تستدعي ده)
بس سهل انه يتقالي كلمه تهديني بسرعه
متسامحه لابعد درجه الاااااااااا في الحاجه اللي تيجي علي كرامتي في دي معرفش غالي
ماهو اكثر موقف جعلكى تبكي ولم تستطع تمالك نفسك حتى وان تكرر؟
انا دموعي غاليه بس لما حد بيجي عليا ظلم ممكن ابكي واحس في الاوقات دي اني مش طايقه الحياه ولما بيتكرر في اشكال مختلفه
* ما الشي الوحيد الذي تبحث عنه ولم تجديه ؟
احيانا لما تضلم اوي في وشي بسأل وببحث انا مين وليه انا هنا اصلا؟؟
بس اكيد بلاقي الاجابه بس بعد لما تنور ههههههه
* هل هناك قسم بالمنتدى لا تفضل الدخول اليه ولكنك مضطر الى ذلك؟
اه في اقسام كتير بس ليه اضطر يعني اني ادخل عليها (اللي مش بحبه مش بعمله)
* في الايام العادية ماذاتعملى؟
يوم روتيني جدا بصحي انزل الكليه احضر محاضراتي واقضي اليوم مع اصحابي وبرجع تعبانه طبعا بناااااااااااااااااام لحد تاني يوم عشان اصحي اروح الكليه ...........
بس قبل ما بنام اكيد باكل (ده اهم حاجه ههههههههه) وبصلي واقعد علي النت شويه بس
* هل انتى من النوع الذي اذا لم يستطع حل المشكله فتتهربى منها ؟
اطلاقا ما اتعودتش اهرب من مسؤليه او مشكله
ولو في مشكله مديقاني بتشغل بالي جدا لدرجه اني ممكن مش انام بسببها بس لو حاجه اكبر مني بسيبها لربنا اكيد هو هيحلها افضل مني
* اذكر لنا موقف من ايام الطفوله الى الان لا تستطيع نسيانه؟
وانا صغيره كنت طفله مشاغبه جدا فكنا خارجين (اسرتي كلها) واختي الكبيره بتكوي ل بابا القميص كل شويه كنت اجي عندها واقولها هي المكوه دي سخنه تقولي اه.... اروح واجي اقولها يعني انتي متأكده انها سخنه تقولي قلتلك اه ..... كذا مره علي كده لحد ماجيت اخر مره قلتلها يعني انا لو لمستها هلاقيها سخنه قالتلي تعالي جربي يا سما وانا زي الشطوره مش بلمس بصباعي جربت بايدي كلها (وتحولت الخروجه من فسحه ترفيهيه الي فسحه للمستشفي)

بس انا استاهل بصراحه ده انا طفله رخمه اوي ههههههههههه

شيء مميز تريدى ان تفعيله بالفتره القادمة ؟
نفسي ولو لمره واحده اطلع من اوائل الدفعه
* من مثلك الأعلى في الحياة ؟
بصي هو مفيش حد بقتدي بيه قدوه كامله بعد الرسول عليه افضل الصلاه والسلام
بس امي انا نفسي لما اكبر اكون زيها في حاجات كتير
وانا لما بتعجبني حاجه ف شخصيه حد بحاول اقلدها عشان اكون احسن
*نصيحة تريدي ان توجهيها لأعضاء المنتدي؟
عايزاهم يحافظوا علي المنتدي اكتر من كده
معنى كلمة بحبك بجنون ؟؟ و تقوليها لمين ؟؟
لسه مفيش للاسف بس اكيد هقولها لزوجي المستقبلي
* عمرك مريتى بهالمواقف التالية:
غدر
للاسف اه واحده وثقت فيها ودخلتها بيتي وعاملتها علي انها انسانه محترمه (ربنا يهديها بجد)

فقدان ثقة بالنفس
للحظات لما بفشل في عمل حاجه كان نفسي احققها

* لو فوجئت يوما ما بأن صديق عمرك والذي أسلمته قلبك قد خان الثقة ؟؟ ما هو ردك وماذا تفعلى ؟؟
هلتزم الصمت التاااااااام لان لو في حد غبي فهيكون انا علشان ما اخدش بالي منه من الاول او انه يكون ممثل بارع دي حاجه تانيه

* كلمة أمل ( وين بتشوفيها ) ؟؟
في مستشفي الاطفال اللي بيعلنوا عنها وكل لما اشوفها اقول ربنا يشفيهم بجد ويديهم امل ودفعه اكبر في الحياه

* كلمة ( حرام عليك تبعد أكتر ) لمين بتوجهيها .....؟؟
مفيش حد اقوله حرام عليك تبعد اكتر بس ممكن اقول وحشتيني ل خالتي (رحمها الله)

* كلمة ( انت حياتي ) لمين تقوليها؟؟
ل ماما

* شوف سما هالموقف : انتا خطرت ع بالك فكرة او حلم معين وحابب تنفذو رغم انو الجميع بيعارضوك بهالشي وانت متأكد مليون بالمية انو الصح ،، بعدها قعدت حيران وما بتعرف شو تعمل بهالحالة .... عمرك مريت بده؟؟ وشو عملت ؟؟ وبرأيك اللي ف بالو حلم لازم يحققو بغض النظر عن اي ظروف ولا ايه رايك؟؟
بصي مش اي حاجه تخطر ببالنا ننفذها احنا في مجتمع وليه عادات وتقاليد وغصب عن بوزنا لازم نحترم ده
بس اكيد خطر ببالي كتير حاجات كان نفسي اعملها وفي فعلا اللي عملته وكنت صح وفي اللي عملته وكنت غلط بس الانسان اللي ما بيجربش ما بيتعلمش وفي اللي تراجعت عن الفكره تماما

ايه رأيك باللي بيصير بفلسطين من ظروف ؟؟؟
حسبي الله ونعم الوكيل مش قادره اقول كلمه غيرها

* كلمة حابب تصرخى وتوجهيها للعالم العربي والاسلامي ؟؟
عايزه اقوله : نفسي اقولك صباح النور
وامتي هتصحوا وتتوحدوا؟؟؟؟

ايه رأيك بالصداقة ؟؟ واذا خانك صديق شو بتعملى ؟؟
الصداقه الحقيقيه هي الحياه وجوهره لازم نحافظ عليها
انا قلت هعمل ايه لو خاني صديق (امتنع عن الكلام عندما يكون هو السلاح الوحيد)


خلاص ياقمر خلصوا
الحمد لله رب العالمين ده انتي خلصتي عليا

عشان تعرفى اني بحبك
لأ مهو وااااااااااااااااضح

المهم انا هسالك 3 اسالة وكل سؤال مقسم الى مجموعات ومش هتقل عليكى
محسسني انك بتنظم المرور او ورقه اجابه يا عم اسال وتقل براحتك

اول حاجة
هتبقى اسالة عامة عنك

اسمك بالكامل
سما كفايه انتوا هتخطفوني ولا ايه؟؟؟
سكنة فانهى محافظة
في محافظه القاهره مش بقولك حاسه اني مخطوفه
بتشجعى انهى نادى ( لو تبع الاحمر ابو كرتونة بلاش تجوبى علية)
ياعم هو بقي في نادي اسمه الزمالك اصلا ده انقرض من زماااان ومشي عليه العنكبوت


تانى مجموعة
هنحكى على مواقف لو حصلتلك هتعملى فيها ايه

هوا سؤال اتقال فى فلم فول الصين العظيم
فحبيت اسالو ليكى

لو معاكى حبيبك بقى وفى صحراء جرداء
ومعاكى بندقية فيها طلقة وحدة
وفى اسدين هجمو عليكى
هتعملى ايه

هسيب الحوار ده كله واجي اضربك بالطلقه دي مهو حرام حد تاني ياخدها غيرك
يلا شطورة لو جوبتى على السؤال دة
ده انت اللي شطور علشان حطيته
______________________

لو حبيتى تخلى شىء فى الطبيعة يشيل 100000000 الاطنان
بس ميقدرش يشيل مسمار
هيبقى ايه هوا
عمده
ياريتك ما سألت
مهو حرام اموت بالسكته القلبيه وكمان يكون قدام الكمبيوتر

تالت مجموعة
اسالة فى كرة القدم

اكتر لاعب بتحبية
ابو تريكه ومتعب والحضري

ايه رايك فى عمرو زكى مع نادى ويجان
اممممممممممممم شيء جميل
فى رايك انهى لاعب هياخد احسن لاعب فى افريقيا
شيء اجمل
ايه الى تعرفية عن ميسى وعن برشلونة بالتحديد
شيء اروع

ثواني هنادي بابا يجي يقعد معايا وهجاوبلك علي الاساله دي فوريه

لو قالولك هناخدك لدورى السيدات لكرة القدم هتروحى تلعبى فى انهى نادى
في وجبه الاول هههههههههههههههههههههههههههههههه
هروح العب في نادي (الخساره الجماعيه)
اااااااال دوري سيدات اااااااااااال


ربنا يخليك لمصر بأسألتك دي